ULAHON MA HASINTONGAN NI DEBATA

Ulahon Ma Na Hasintongan Ni Debata

Lakukanlah Kebenaran Allah, Minggu 29 Januari 2017

( Psalmen 15:1-5)

Hatorangan

Psalm bindu 15 ima sungkunsukun sian si David tu Debata taringot tu ise do na jadi sorang diundungundung ni Debata dohot ise do na jadi mian di dolok habadiaon ni Debata. Sungkunsukun i marharoroan sian pangatusion ni si David sandiri taringot Habadiaon ni Debata, ala ni nang undungundung na pinadiri ni bangso i songon inganan parjumpangan dohot Debata, badia do i ala habadiaon ni Debata, mangihut tu si ma diroha ni si David ndang sude halak na boi mian di undungundung i dohot didolok ni Debata.Alani do disungkun ibana Debata.

Hatorangan ni Turpuk

Ay.2

Na sun burju, siula hatigoran jala sidok na sintong. Ima na jadi mian diundungundung ni Debata. Sian alus na parjolo on, ingkon adong ma haimbaruan di angka nanaeng bongot tu inganan habadiaon ni Debata, ingkon gabe sitiruan dingoluna na so martihas, na so sioloi hisaphisap ni daging jala na burju situtu.Mangihuthon ma muse angka na manghajongjonghon hatigoran, hasintongan huhut na barani mandok na sintong i sintong, na sala i sala

Ay.3

Na so olo pahatahata dongan, na so olo mambahen hajahaton dohot haurahon. Asa halak na ro mandapothon Debata ingkon diboto mandok na patut, unang parhata tundal, naso olo mandok fitnah, alai hata ni nanaeng solhot tu Debata ima parhata na denggan jala na mamboan pasupasu tu dongan. Domu tusi muse nanaeng nangkok tu dolok habadiaon ni Debata ingkon padahon diri sian nasa ulaon namambahen hajahaton tu dongan, tu tondong, tu dongan sahaporseaon tu saluhut jolma tahe, gari tu musu pe ingkon na denggan do patupahon.

Ay.4

Tumangkas dibahasa Indonesia, yang memandang hina orang yang tersingkir, tetapi memuliakan orang yang takut akan Tuhan, yang berpegang pada sumpah walaupun rugi. Ingkon lea baenon naung dipapulik Debata ala hajahaton, alai sangap bahenon angka na manghabiari Debata. Ingkon jolma na hot di parpadananan nangpe ingkon rugi asa unang pangose di angka parpadanan.

Ay.5

Halak na so olo paanakhon hepeng holan pamora dirina, alai mamangke hepengna laho mangurupi angka donganna, lao padenggan dohot patoguhon parsaoran.

Asa sian saluhut i, dihirim ma angka nanaeng bongot tu undungundung i laho pasahaton peleanna be, ingkon na so tarurak, na denggan marpangalaho dipambahenan siganup ari, na maraturan jala na saor tu angka dongan.

Hahaonahanna tu Jamita

1. Ndang gabe ndang boi hita dohot nagkok tu Debata atik pe dibagasan dosa dope hita, alai ditogihon turpuk on do hita mamikiri bagas tubagasan rohanta aha na patut ulahonta. Alani i ingkon tapauba rohanta asa unang haroroanta tu gareja gabe holan hasomalon sambing.

2.Halak na ro tubagas joro ni Debata ingkon umboto aha do harorona tu joro i, ima pajumpang dohot Debata jala sumoba Debata dibagasan roha na bulus. Tarida ma i marhite pambahenan na tangkas mangoloi Hata ni Debata. Ingkon marpingkiran na torang na denggan naboi mangurupi dongan, tidak egois tetapi bersahabat dengan siapapun.

3. Hata haporseaon na tahatindanghon ganup minggu, ima bentuk ni padan na tapadanton tu Debata, ingkon taulahon i unang holan di hata asa ingkon padan na sian rohanta i atik pe sai ro do angka hamaolan tu hita.