Kotbah

Jamita Advent IV

Ibana do Anak ni Debata na margogo on

(Rom 1:1-7)

1.     Ise do naposo ni Jesus Kristus

Naposo ni Jesus Kristus hombar tu pangatusion ni Paulus ima narjou jala tarjou tu ulaon mamaritahon barita na uli sian Debata (ayt. 1). Dipuka do surat apostel Paulus on marhite patdandahon dirina songon naposo/hamba jala dihata heber didok doulos. Hata on dipake di pangatusion ni gorik molo hamba manang naposo ima na boi tuhoron doi, lain a menarikna diantusi jala dipake Paulus do hata on laho mangatusi taringot naung dituhor manang ditobus sian dosa alani umpuna Kristus do ngoluna umbahen sude ngoluna nunga dipasahat tu Kristus, tulus ulaon panghobasionna laho tu Tuhanni. Konsep doulos on pe dipake laho mangantusi pengabdian.

Alani ndada holan na tarjou be Paulus alai gabe parsidohot diparbadiai gabe tandap songon Anak ni Debata. On do gabe dasor pangulaoon songon parbue ni haporseaonna mangihuthon Kristus (taat hata heber hupakoe). Sahalak na porsea tu Tuhan unduk mangulaon angka patikN, ndada gait mangulaon, manang satokin porsea sogot daong, di garejaon hita porseai do adong Tuhan hape diluar mago haporseaontai. Alani molo tapaihut pardalanan ngolu ni Paulus, sisean ni Gamaliel mangatusi taurat nasoporsea gabe olo pasahathon ngoluna diparmudumudu Tuhan.

Antong boha do hita mangalehon totalitas ngolunta, umbahen barani jala percaya diri hita mandok siseanni Jesus do au. On do na dipangido di hita mandalani minggu adven paompathon on asa totalma hita pasahathon ngolungta.

Ilustrasi:

Sada tingki adong ma sahalak dakdanak manonton pemanah. Ala mambaen akrobatik do pemanahon, dibahenma tantangan molo boi mamanah apel diginjang ni lamari, disukun mc ma “porsea do hita ingkon hona apel on tu ujung ni panah on?”, sude penonton mandok porsea. Paduahon dibahen muse dibahen strawberry, disukun mc ma “porsea do hita ingkon hona apel on tu ujung ni panah on?” sude mandok porsea. Alani ditantangma, ise na olo apel on tabahen tu simajujung ni hamu, dang porsea ma nasida jala  didok dang adong na olo, adong mangalusi “ise bertanggung jawab bah so marpohopu dope au ninna sahalak natuatuama”, diihuthon muse dolidoli mandok dang mangoli dope au, digaorni jal humalaput ni suhun suhun ni pintor ro ma sahalak dakdanak mandok au ma tusi, pintor suhunsuhun ma na ro disi, anakhon ni ise do i ?, alani majuma dakdanak i, dibahenma apel tu simajujungnya gabe hohoma dung disintak pamanah i ma panahna, jala hona do apel I, sudema mandok porsea. Di sunkun MC i ma nakon ni ise do ho? Anak ni pemanah on do au ninna ma mangalusi.

Huriani Tuhanta, ingkonma songonni ma ngolunta manomunomu Jesus Kristus ditingki advent on, ingkonma nian hita mandok porsea sian sude parbue ni ngolunta mangundukhon, taat, obedience, tu pansuruanna, tanpa keraguan, ala adong do kepastian sian na tahirim mangulahon i.

2.     Parsidohot mangula tanda na tarjou

Jokowi dikabinet na nuaeng mandok Kerja, Kerja, Kerja. Boasa? Ala nunga pagodanghu jolma na malo jala nabisuk holan binoto mandok, holan hata. Alani sangat tegas do presidenta manogihon angka rangkatna tarjou di ulaonni.

Alani molo mamestahon minggu Advent hita ndada holan na so manang ngungu hita mangungu paimahon alai Bekerja dan Berdoa, mangula  huhut martangiang.

Ari jumat i, mandohoti pesta natal do hami na pinatupa ni sending ni HKBP. Hu ida hami, nunga lupa hita tu angka ulaon sending, nunga pola lupa hurianta marparoahon angka donganta, manang hita meninggalhon ulaon marturiaon manang kesaksian. Alani rap hita mangula pararahon hata ni Tuhanni, ndada holan marhite hata alai dohotma diangka pambahenanma.

Songon ende mandok, ulaon na denggan binsan mangolu ho, songon panako borngin do harroro nai, alani angka dongan sotung tarlambat hita.

Akka on ma pangalaho na sala mangantusi tu panghirimon i, gabe sala manghangoluhon. Tu akka naung sanga madabu tu parange na songon i, porlu pasahaton sipasingot ni apostel Paulus namandok: Bulus ma nasida mulaulaon, asa naniomona be dihangoluhon!  Mulaulaon do, ndang mangidoido (meminta-minta).  Songon hata ni ende i: “Mangulahon tugas wajib do au disi. Ido harga diri na tung mansai pasti!” I do hata/tekad ni na tardok “anak Tuhan”. Mardomu tu rikkot na mulaulaon asa boi naniomo sandiri hangoluhononhon, tontu ikkon malo ganup Kristen i mamukka lapangan kerja, dalan nadenggan lao mandapot pangomoan, asa adong manuhor sipanganon sihangoluhononhon. Boi do tu lapangan kerja naung pinarade ni halak akka Kristen i mangalului pangomoan (gaji sipakkeon), alai na dumenggan, molo boi do ganup Kristen i mamukka lapangan kerja ni ibana sandiri, jala dapotna  pangomoan na marlobilobi sian i di ibana. Jadi diasa ganup Kristen i ma dirina be boi songon i sian mulai metmet di jabu, marhite pendidikan, dohot marhite namampargunahon bakatna be.

3.     Unang ma sumurut hita mambahen na denggan

“mangula hita jolma manabur boni i”, logu sian buku ende 373, mandok ingkon ma ganup ari ma hita mambahen na denggan dingolunta siala nunga parjolo ibana mambahen na denggan dingolunta. On ma tanda parbue na pinarbadiaanna hita dingolunta. Diparbadiai manang dikuduskan bentuk hata kerja pasif na dipapulik dingoluna na salpu ( Jeremia 1:5; Galatia 1:15). Di buku Heber didok badia lapatanna dipasiding laho dipake Debata, dipilit sian portibion, dang sarombang dohot portibi (hagios), ndada mandok gabe ginjang rohanta alai lam serep maroha jala mangholongi dongan jolma. Alani tanda naung dipasupasu Tuhan hita dohot ma taruli pasu pasu ni Tuhan marhite ulaon na denggan di ngolunta.