MAMARITAHUON BARITA NA ULI

PASKAH II

EVANGELIUM: MARKUS 16:12-18

I.               Patujolo

Dungkon dididi si Johannes Jesus di aek Jordan, songgop ma Tondi i songon darapati tu Ibana jala tarbege ma soara sian ginjang i na mandok: “Ho do Anak haholongan ni rohangKu; lomo do rohangku di Ho.” Mangihuthon si Markus, dipungka Jesus do panghobasionNa di jolo ni na torop marhite na pamalumhon sada halak partondi na hodar hatiha mamongoti huta Kapernaum laho mangajari. Mamungka sian i sar ma baritaNa tu sandok luat Galilea (Markus 1:21-28); jala torop do halak masiboan na marsahitna be tu joloNa (Markus 1:32). Molo tapihutihut angka surat na ginurithon ni si Markus tangkas do taida dipatandahon si Markus do Jesus Anak ni Debata jala Mesias, Naposo na manaon na porsuk (memplokamirkan Yesus adalah Anak Allah, Mesias dan hamba yang menderita). Nang i do na naeng ondolhonon ni turpuk on marhite barita na dipataridahon Jesus diriNa tu angka siseanNa. Udut ni i disuru Jesus do angka siseanNa laho mamaritahon Barita na Uli i tu nasa na tinompa. Ndang holan siseanNa na sampulu sada na di turpuk on, parsuruon i pe gabe tugas manang tanggung jawab ni sude angka na porsea: Mamaritahon Barita na Uli tu Sandok na Tinompa.

II.            Hatorangan ni Turpuk

a.      Mangihuthon William Barclay, turpuk on sasintongna diujungi sahat tu ayat 8,  ima di na ruar maporus angka parompuan na ro tu tanoman ni Jesus, maporus sian i laos angka dotdot do nasida jala tarmali. Ipe ndang adong dipaboaboa nasida agia tu ise, ai na tahuton do rohanasida. Dungkon ni i adong dope penambahan ima di ujungna laho do angka parompuan na ro tu tanoman ni Jesus i paboahon tu si Petrus dohot na asing poda ni sahalak parulos na marlinanglinang na diida nasida di na ro tu tanoman ni Jesus; laos dipabotohon Jesus do tu angka siseanNa i tona laho mamaritahon Barita na Uli tu sandok na tinompa, sian Timur sahat tu Barat. Molo tapamanat turpuk on (ayat 9-20), mansai tangkas do parasingan  gaya berbahasa na di ayat 1-8 dohot na di ayat 9-20. Sian i gabe boi ma taantusi ayat 9-20 ayat na nitambai na ma i di pudian ni ari (longer anding/akhiran yang lebih panjang). Mangihuthon angka penafsir, ala so sanga disurathon si Markus andorang so mate ibana, manang sanga disurathon ibana alai di pudian ni ari mago di pardalanan ni tingki. Ragam do pandapot ni angka ahli tafsir taringot di keaslian  ni turpuk on, ragam angka perdebatan na mansai luar biasa. Dijalo angka penafsir kuno do on songon bagian asli sian Injil Markus, alai di angka penafsir modern dianggap nasida do turpuk on bagian na so asli manang penambahan sian panurat na asing. Markus 16:9-20 ndang adong di dua manuscript na paling kuno, dohot di angka manuscript kuno jala penting na asing. (UBS New Testament Handbook Series: “It is omitted by the two most ancient Greek Uncial manuscripts of the New Testament, Codex Vaticanus and Codex Sinaiticus, both of the 4th century. It is also omitted by the Old Latin manuscript k (4th or 5th century), by the oldest Syriac version of the Gospels, the Sinaitic Syriac (4th or 5th century), and by important codices of the Armenian, Ethiopic and Georgian versions” [= Itu dihapuskan oleh dua manuscript uncial Yunani yang tertua dari Perjanjian Baru (‘uncial’ adalah type / bentuk / jenis huruf Yunani yang dipakai untuk menyalin manuscript), Codex Vaticanus dan Codex Sinaiticus, keduanya dari abad ke 4. Itu juga dihapuskan oleh manuscript Latin kuno (abad ke 4 atau ke 5), oleh versi Syria yang paling kuno dari Injil-injil, Sinaitic Syriac (abad ke 4 atau ke 5), dan oleh codex-codex penting dari versi-versi Armenian, Ethiopic dan Georgian]). Ra adong penyalin awal na jolo beranggapan ia ayat 8 i songon na janggal manang na maol antusan, ala digombarhon disi biar ni roha ni angka saksi na parjolo i. Ala ni i do pola marusaho patangkashon di ujungna barani do nasida mamaritahon tu angka apostel.

b.     “.......dipataridahon Jesus diriNa tu na sampulu sada i uju hundul nasida mangan, jala dipinsang ma ganggu dohot jogal ni rohanasida ala so porsea nasida di angka naung marnida Ibana, naung hehe sian na mate. Jadi ninna ma mandok nasida: Laho ma hamu tu liat portibi on; jamitahon hamu ma Barita na Uli i tu nasa na tinompa.......”(ayat 14-16).  Di ayat 14 dipinsang Tuhan Jesus ganggu dohot jogal ni rohanasida na so porsea i. Paminsangon ni Jesus di nasida na ganggu i manungguli rohanasida manghaporseai haheheon ni Jesus. Hananaek ni Jesus manungguli roha ni siseanNa manghaporseai sude hata ni Tuhan Jesus naung binege nasida. Marhite on naeng diarahon saluhut halak na porsea asa mangambolongkon ganggu ni roha dohot jogal ni roha na so manghaporseai haheheon ni Jesus.

c.      “....Jala on ma tanda angka na mangihut tu na porsea: Pabalionnasida do angka sibolis marhite goarHu dohot manghatahon hata na imbaru. Jomputon nasida do angka ulok, jala nang diinum rasun hamatean ndnag pola mahua nasida; ampehononnasida ma tanganna tu angka namarsahit, gabe malum ma hilalaonna.“ (ay.17-18). Jotjot do dipangke kelompok pantekosta/karismatik kutipan ayat on songon sada klaim, na boi do nasida pabalihon sibolis jala pamalumhon angka na marsahit, songon naung tarsurat i. Hape molo tangkas tapamanat konteks ni turpuk on, hatiha i tongon manghatai do Jesus dohot siseanNa na sampulu sada i (ayat 14), jala deba sian sisean i ndang porsea dope di haheheon ni Jesus sian na mate. Jadi, padan ni Jesus taringot tu tanda na di ginjang (pabalihon sibolis, pamalumhon na marsahit, dna) i, secara spesifik dipasahat tu sampulu sada sisean i. Boi sajo do halak na asing patuduhon tanda sisongoni, alai holan sampulu sada sisean i do na dijamin boi patupahon i. Konsisten do on hombar tu catatan sejarah ni halak Kristen na parjolo i naung masuk tu buku ni Ulaon ni Apostel, jala marulahulak digurithon si Lukas taringot tu “tanda” naung pinatupa ni angka apostel (Ul. 2:43, 5:12) manang angka halak naung mangula rap dohot angka Apostel (Barnabas dan Paulus).

III.            Sipahusorhusoron

Turpuk on mangondolhon taringot tu “pengustusan gereja” nang taringot tu “kewajiban gereja” ima laho mamaritahon Barita na Uli i tu sandok na tinompa. Dipaingot turpuk on sude halak na porsea di tugasna dohot panjouonna songon gareja, ia misi ni gareja ima tu sandok na tinompa, tu sude halak nang bangso. Molo tangkas tajaha ayat 15 i “.....laho ma hamu tu liat portibi on jamitahon hamu ma Barita na Uli i tu nasa na tinompa.” Ido tugasta ima asa “laho” jala jangkauanta  ima liat portibi, jala mansai tangkas do muse didok tu nasa na tinompa. Ala ni i do porlu do ingotonta tanggungjawabta asa laho mamaritahon/manjamitahon Barita na Uli. Bukan tinggal diam. Di turpuk on pe adong do hal na mansai menarik ima adong ketegasan di nasida na porsea jala dididi pasti do malua, alai di na so olo porsea, uhumonNa do. Sian turpuk on tangkas do hita marsiajar sian angka sisean ni Jesus, nasida pe laho do mamaritahon Barita na Uli i tu nasa na tinompa. Unduk do nasida jala pintor laho do nasida mangulahon ulaon parsuruon i, jala mangula do nang Tuhan i mamasumasu jala mandongani nasida. Boha do ianggo hita?

hts