Ro ma hamu na loja jala na sorat asa hupasonang hamu

Minggu XII Dung Trinitatis

Tanggal 24 September 2017

Judul: Ro ma hamu na loja jala na sorat asa hupasonang hamu

1.     Marende                :BE No. 428:1-2

2.     Martangiang

3.     Manjaha Turpuk   : Mateus 11:28-30

4.     Hatorangan Turpuk

Turpuk on sada tawaran na ni lehon Jesus tu hita. Asa manjangkon augang na adong di Jesus, asa unang dokdok be na ta adopi diparngoluannon. Dipangido do hita asa ro hita tu Ibana, naeng pasonanghon Ibanama ngolunta sian loja jala nasorat hita. Dilehon do augan na lambok jala neang mamorsan sitaonon namasa dingolunta.

Molo taingot angka sitaonon na masa dingolunta, adong 3 sialana: sian dirinta sandiri, sian sijahat, alai boi do langsung sian Tuhan. Alani boi do mambahen depresi, loja jala soratan hita mangadopi i.

Toropan do halak, molo dapot na masa dingoluna pintor mandele. Alai tawaran na mansai menarik do na nilehon ni Jesus tu hita, asa unang songon dokdok sitaonni Jesusma ngolunta. Ditogihon do hita asa marguru tu lomo ni rohana, ai na lambok jala na serep do Ibana marroha jala paroahon hita asa dapotan hasonangan tondinta.

5.     Sipahusorhusoron

Jangkon ma augang ni Jesus. Nunga dilehon tu hita pangajarion asa unang madabu hita tu dosa. Dihalomohon Jesus do asa dapotan hasonangan tondinta hita asa malua hita sian sitaonon ala ni portibion. Borat do boban parngoluan? Jala boha do caranta malua hita sian dokdoni sitaonnon portibion?

6.     Tangiang Pangondianon

Sitangianghonon: angka mangadopi dokdok ni sitaonon di bagasan ngoluna, siala parsahiton, alani hapogoson dohot haotoon, bencana alam dohot angka lam na asing.

7.     Marende                : BE No. 824:1

8.     Tangiang Panimpuli

Pdt.Anry Krismanto Nababan,S.Th,M.Pd.K

Sekertaris Khusus Kepala Departemen Marturia