Ai Ndang Tarula Hamu Agia Aha, Anggo so Mardongan Au

Minggu XII Dung Trinitatis

Tanggal 10 September 2017

Judul: Ai Ndang Tarula Hamu Agia Aha, Anggo so Mardongan Au

1.     Marende BE No.10:1-2

2.     Martangiang

3.     Manjaha Turpuk Johannes 15:1-8

4.     Hatorangan Turpuk

Anggur  ima buah na dihalomohon halak Jahudi jala godang disuan di Kanaan. Khasiatna asing ni boi di inum, berkhasiat do anggur  tu  kesehatan dohot kecantikan. Taingot do Pesta Kana, Jesus mambahen halongangan mambahen aek gabe anggur. Ima sada tradisi Jahudi manginum anggur.

Alani molo naeng mandapothon anggur na tonggi. Ingkon adong hauna, rantingna, dohot parbue asingnai ingkon ma adong perawatan, ima digotap do nasa ranting naso marpabue, jala dipaias do nasa na marparbue, asa ganda parbuena.

Di turpukhon dipangido Jesus tu siseanni, ndang sae holan ias anggur i, alai hotma mian dibagasan anggur I asa godang parbuena. Alai molo ias sambing dang godang parbue ni mangihuthon Ibana. Mian dibagasan Jesus do mambahen margogo siseanni mangulahon lomo ni roha ni Debata dohot marsanggap ma Damang, molo marparbuehon na godang jala gabe siseanNa.

5.     Sipahusorhusoron

Dipangido Jesus do hita asa gabe imatatio ni Kristus hita, sangka bona dohot Ibana, maniru jala sada Karakter songon Kristus Jesus.

6.     Tangiang Pangondianon

Asa lam margogo ma halak Kristen mangodopi siala memperjuanghon haporseaon na sintong.

7.     Marende BE No. 69:5

8.     Tangiang Panimpuli

Pdt.Anry Krismanto Nababan,S.Th,M.Pd.K

Sekertaris Khusus Kepala Departemen Marturia