Gabe Asima RohaNa Mida Nasida

Minggu XII Dung Trinitatis

Tanggal 3 September 2017

Gabe Asima RohaNa Mida Nasida

1.     Marende BE No. 194:1-2

2.     Tangiang Pamuhai

3.     Manjaha Turpuk Markus 6:30-34

4.     Hatorangan Turpuk

Turpuk dihita ditingkion ima taringot Jesus mangalehon mangan lima ribu halak. Boasa marpungu torop halak tu Jesus? Siala sar do barita taringot pambahenan naniula ni Jesus dohot naniajarhon Jesus. Alani mamboto torop halak naeng pajumpang dohot Jesus, sumurutma na sida tungkan na suhi laho pahosahon saotik, ala Jesus dohot apostel naeng mangevaluasi aha do sikarejoon nasida dinasadari i, gari ada naeng paulak hosa loja dang sanga be nasida, sian pangulahonna parsadarian. Alai I pe, sai marlumba do na torop I mandapothon Jesus.

Gombaran sian turpuk on laho mansorminhon ngolu ni jolma nagok parungkilon. Hombar tu teks on, parungkilon na umbalga ndada ala sipanganon alai marserak do angka na ro I siala dang adong parmahan. Panurat Buku Markus mangondolhon prioritas panghobasion ni gareja ndada parpunguan alai taringot parbaritaan Harajaaon ni Debata na mangolu napatupahon halongangan di angka situasi namasa dibagasan ngolu on.

Di pangasingan ni Jesus dohot angka apostel di roro angka na torop na ro i, siala kebutuhan ni pardagingan sambing alai gabe asima roha ni Jesus. Ibana mangalehon alus sian angka kebutuhan lobi sian lasniroha na nihirim manisia. Asini rohaNa manumpakhi pasupasu ndada alani kebutuhan ni pamatang sambing alai dohot do sipanganon partondion.

5.     Sipahusorhusoron

Buku ni Markus on mangondolhon taringot mangajarhon asini ni roha ndada Alana kebutuhan sipanganon dohot siinumonan alai mangantusi hangoluan ni Jesus. Sadia godang pe sipanganon dohot siinuman molo dibagasan haotoon do ndang bo i mangurupi mandalani parngoluanna. I.L. Nommensen pernah berkata "Kamu tidak akan dapat memimpin hidupmu dan orang lain keluar dari kemiskinan dan kebodohan, kamu harus belajar Firman Allah". Firman Allah adalah hati Allah, semakin mengerti Firman Allah semakin dekat dengan sumber-sumber kehidupan.

6.     Tangiang Pangondianon

Sitangianghonon: asi gabe parasi roha hita songon Jesus parasi roha

7.     Marende BE No.37:1

8.     Tangiang Panimpuli

Pdt.Anry Krismanto Nababan,S.Th,M.Pd.K

Sekertaris Khusus Kepala Departemen Marturia