ACARA PASAHATHON BAJU TOHONAN SINTUA

ACARA PASAHATHON BAJU TOHONAN SINTUA

HKBP SUNGAI DANAU 2017

TEMA, “Persembahkan Hidupmu kepada Tuhan (2 Tim. 4:1-5) :

 

1.        Marende B.E No.156 :2 + 4

2.      Naung dipatolhas Ho, Hatam tu siseanMu

Antong nasida do muse parhiteanMu

Lao pararathon i, tu liat tano on

Ai harajaonMi, naeng lam bidang tongtong

4.      Sai tatap ma dison, O Jesus siseanMu

Na jongjong di joloM, mangido lehononMu

Tu ganup tondiMi, nang huasoNa pe

Manogu bangsoMi nang mangarajai pe

2.      Votum

L:    Marhitehite Goar ni Debata Ama, AnakNa Tuhan Jesus Kristus, dohot Tondi Porbadia, na tumompa langit dohot tano on. Amen. Biar mida Jahowa do parmulaan ni hapistaran, maruli hamaloon ni roha na sumurung do sude angka na mangulahonsa; hot do baritana i ro di salelenglelengna.

H:    Laos Ibana do na mangalehon deba gabe Apostel, deba Panurirang, deba evanggelist, deba muse Parmahan jala Pangajari; Patureturehon angka na badia i, laho mangulahon tohonan i, pauliulihon Daging ni Kristus.

L:    Paima sahat hita saluhut tu hasadaon ni haporseaon nang parbinotoan di Anak ni Debata, gabe jolma na tang jala matoras situtu, mangihuthon hagogok ni rimpas ni Kristus. Asa unang be hita dakdanak, angka na pinalindaklindak jala na pinamboanboan ni pangombus ni ragam ni poda, binahen ni pangaliluhon ni jolma dohot angkal na paotootohon.

H:    Gabe parhasintongan hita tahe dibagasan haholongon i, jala lam magodang ma hita di na saluhut, mangeahi Ibana, Ulu i, i ma Kristus.

L:    Sian Ibana do sandok daging i dipadomu jala martomu, tiniop ni sude uraturat pangurupi, gabe lam magodang daging i mangihuthon pangulaon ni ganup ruas di bagianna be, pinauliuli di bagasan haholongon i. Taendehon ma Haleluya.

L:    Haleluya – Haleluya - Haleluya.

L:    Martangiang ma hita: Ale Tuhan Debata, Pargogo na so hatudosan, na tumompa langit dohot tano dohot nasa isina. Hinorhon ni asi ni rohaM do umbahen tarbahen hami marpungu, marlas ni roha di tonga-tonga ni HuriaM sadari on manghalashon pangaramotionMu di hami patupa Pasahathon Baju Tohonan Sintua di HuriaM,

H:    Hupangido hami ma tu Ho: Sai lehon ma tu huriaM. TondiM na badia i dohot hamaloon sian Ho  asa lam rarat jala lam ganda harajaonMu di tongatonga ni portibi on.

L:    Sai lehon hiras  ni roha tu naposoM manghatahon hataM asa lam tu dengganna HuriaM marhite sian i. Pargogoi ma hami mangoloi Ho dibagasan haporseaon na manongtong asa manahan hami sahat ro di ujungna, marhite AnakMu Jesus Kristus Tuhannami.

S:    Amen.  Hundul ma hita saluhutna.

3.      Marende B.E No.No. 171: 1 - 2 “Tandai ma au” Bl. 49

1.     Tandai ma au, sungkapi ma dohot rohangku. Uji ma au. Pamanat huhut ma dalanku. Olo di tanda Ho au Debata. Jongjong

2.     Asi ma rohaM, taringot tu pangalahongku. Olo, tutu, jotjot do na lilu dalanku. Sesa dosangku sude Debata.

4.      Manjaha Turpuk  Jeremia 2:29

5.      Marende B.E No. 443: 2 - 3 “Dung Tuhan Jesus”

2. Di Ho ngolungku las rohangki, jumolo Jesus Siluami. PangiringonMu tolongMu i, mangalo dosa, nang rohangki. Tabaritahon holongNa i, Didia Tuhan tudoshon i, tuk manumpahi, tarlobi da. Sasada Jesus pinuji ma.

3.  Hibul ma ahu Jesus di Ho, sonang rohangku, tarapul do. Mian di ahu ma baen hataMi, paima das au tu lambungMi. Tabaritahon .....!

6.      Jamita/ Pembinaan Parhalado

7.      Marende B.E No. 728 : 1+5 “Husuru Ho”

1   Husuru ho lao sumeahon diri; radot ma ho di panjouon mi,
Nang dileai jala diarsahi, Husuru ho gabe naposongki
Au sinuruni Ama I, manuru ho.
5   Husuru ho gabe sijala jolma, Palua angka na tarihot I,
Arahon ma asa tu hangoluan, Husuru ho ihuthon dalanKi,
Au sinuruni Ama I, manuru ho.

8.      Acara Pasahathon Baju Tohonan

Pandita :

Hamu ale angka dongan na sahuria on! Diida hamu do nuaeng donganta na jongjong dison na itapillit bahen Sintua di tongatonganta. Naeng pangidoon nasida ma pasupasu sian Tuhanta i, asa margogo nasida mangulahon ulaon nasida.

Asa margogo nasida mangulahon ulaon nasida laos tangihon hamuma hata ni Debata, asa lam torang di hamu “Panjouon dohot Pamiliton di hamu” bege hamuma! (laos pasahathon baju tohonan)

1.      Didok Tuhan Jesus “Ndada hamu mamillit Ahu” Ahu do mamillit hamu jala hupadiri hamu, asa laho hamu marparbue, jala asa mian parbuemuna sian Ama I marhitehite goarHu” (Joh. 15:16).(Pasahat baju tohonan tu C.St S. Silalahi)

2.      Antong, ramoti hamu ma dirimu ro di sandok panggungan i, ai dipatindang Tondi Parbadia i do hamu gabe simatamatai, asa diparmahani hamu huria ni Tuhan i, na tinobusna marhite sian mudarna sandiri. (Ul. Apostel 20:28)(Pasahat baju tohonan tu C.St O.P. br. Sinaga)

3.      Onpe, ale angka dongan, margogo ma ho marhitehite asi ni roha ni Kristus Jesus!, Haringgashon patuduhon haburjuonmi di Debata, songon pangula na so tarila, na padalanhon hata hasintongan i tigortigor. (2 Tim 2:1+15). Unang ma sisobur tuak, unang pangalinsingi; alai na lambok, pardame jala si impolan di perak. Na malo mangarajai donganna sabagas, paranakkon sioloi ajar mardongan sandok hahormaton. (1 Tim. 3 : 3-4) (Pasahat baju tohonan tu C.St R. Nababan)

4.      Hata haposan do on: Ulaon na denggan do pinangido ni na mangalului hasintuaon. Dibahen i, unang ma adong dapot sisurahan di sintua: Harajaan ni sada boruboru ma ibana, marpangontik, marroha, marhapantunon, na las roha martamue, na malo mangajari. (1 Tim. 3 : 1-2). Dibahen i, ale angka dongan, lam ringgas ma hamu pahothon panjouonna dohot pamillitonna di hamu; ai molo diulahon hamu i, ndang olo be hamu tinggang. Jadi lam hot ma, antong, hata panurirangon i di hami; jala tama marsitiopan tusi ma hamu, songon na tu palito na marsinondang di inganan na holom, paima tarida siulubalang ari i, jala binsar siboan hatiuron di bagasan rohamuna. (2 Petrus 1 : 10 + 19) (Pasahat baju tohonan tu C.St T.S br.Gultom)

9.      Marende B.E No. 471: 2 – 3 “Hupillit Jesus donganki”  Bl. 318   (P.Pelean)

2. Arga di tobus tondingki, na mate do Ibana. Ngolungku hubaen upa nii, lao mangoloi hataNa. Di Ho ngolungku ro di ajalhu Jesus di Ho au mate mangolu. Di Ho ngolungku ro di ajalhu. Jesus di Ho au mate mangolu. ....Jongjong ma hita saluhutna..

3.  Rohangku baen ingananMi patiur ma langkangku. Huhatindanghon ma disi. Ho Jesus Palitongku. Di Ho ngolungku.......!

10.   Penutup + Pasupasu