ACARA PARMINGGUON PESTA GOTILON HKBP Sungai Danau

ACARA PARMINGGUON PESTA GOTILON HKBP Sungai Danau

Minggu XIX Dung Tritnitatis, 7 Oktober 2018

1.                  MARSOMBA TU DEBATA (Uluan = U; Ruas= R, Msk=Musik)

Uluan:      Na marpungu do hita ruas ni huria HKBP Sungai Danau, marlas ni roha, marriaria jala marolopolop manghalashon denggan basa ni Jahowa di Pestanta sadari on. Ibana do mual ni pasupasu dohot hangoluanta. Nuaeng pe pataridahononta ma parsombaonta, panindangionta, dohot las ni rohanta di pasupasu ni Jahowa naung tajalo, marhitehite hamoraon budaya habatakonta na nilehon ni Debata tu hita. Antong amang Parmusiknami: “Alualuhon ma jolo tu Debata Ama, na manompa langit dohot tano on, dohot nasa isina, i ma Tuhan Debata Jahowa, Debata Ama na hutanda hami di bagasan goar ni AnakNa Jesus Kristus.”

Msk:  Mangalusi

Ruas:      “Alualuhon ma tu Tuhan Jesus Kristus, Anak ni Debata na sasada i, na paluahon hita huriaNa sian dosa dohot hamatean marhite mudarNa na badia i.”

Msk:  Mangalusi

U:      “Alualuhon ma tu Tondi Porbadia na ruar sian Ama i dohot sian AnakNa Tuhan Jesus Kristus, na pajongjong huriaNa na badia i.”

Msk:  Mangalusi

L:      On pe Pandenami, na marmula do nasa na adong, jala Debata do na manompa angka i saluhutna! Nuaeng bahen damang ma jolo Gondang Mulamula laos padomu ma dohot Gondang Sombasomba i, asa jumolo marsomba hami tu jolo ni Tuhan, Debata Jahowa na sasada i, na tumompa langit dohot tano on, dohot tu AnakNa Tuhan Jesus Kristus naung mate humophop hita jala mulak mangolu, dohot tu Tondi Parbadia na mangalehon hasesaan ni dosa, las ni roha dohot ngolu na imbaru na so ra suda i, di Pesta Gotilon on,

(manortor ruas di ingananna be, Tortor Sombasomba)

L:      Nunga husomba hami be Tuhan Debata Jahowa marhite urdot ni tangan, simanjujung, dohot roha. Nuaeng pe Pandenami, naeng liathononnami ma barita ni Jesus Kristus Sipalua silehon pasupasu, songon panindangionnami tu portibi on, alani: Bahen damang ma Gondang Liatliat i, asa liat hami manghalashon jala manghamauliatehon pasupasu ni Debata naung sahat tu hami be, asa liat hami mangolophon hangoluan naung pinatupa ni Tuhan Jesus i, asa liat hami di Pesta Gotilon sadari on, asa liat hami mamaritahon Barita na Uli jala patupahon ulaon asi ni roha i, asa hot hahorasan, hot las ni roha, hot hadameon, hot hasonangan tu huria dohot bangsonta.

(manortor ruas di ingananna be na gabe songon tortor liatliat)

L:      Pinuji ma Tuhan i na mangalehon pasupasuNa marhitehite Kristus si lehon pasupasu. Di Ibana hasangapon, hamuliaon, dohot pujipujian ro di salelenglelengna. Antong “Pandenami, bahen damang ma gondang Sitiotio i, asa tongtong tio ulaonnami jala tiur ngolunami, tangkas parrohaonnami jala torang pingkirannami, pita haporseaonnami jala polin holongnami, laos padomu ma dohot gondang hasahatan siala nunga sahat pasupasu na pinatupa ni Jesus Kristus i, sahat ditongoshon Tuhan i denggan basaNa, jala sahat hami tu hahorason, hadameon dohot hangoluan na imbaru……”

(manortor ruas di ingananna be, Tortor Sitiotio dohot Hasahatan)

L:      Tu hita saluhut na liat na lolo huria ni Tuhanta, nunga tapataridahon be las ni rohanta di Pesta Gotilon ni huria, jala nunga tapatuduhon parsombaonta tu Tuhan Jesus Kristus silehon pasupasu tu ngolunta. Ibana do Raja na mamasumasu boni ni angka na taula, jala laos Ibana do silehon hangoluan di hita. Antong tapuji ma Tuhanta marhite Ende “Somba ma Jahowa”

J:       (mangendehon SDJ. No. 585: 3 Somba ma Jahowa G=Do)

3.   Sangap di Jahowa Debatanta, amen haleluya
Na bonar jala marmulia do Jahowa, amen haleluya
Tapatimbul ma goar ni Debatanta, amen haleluya
Na tigor jala na sun gogo salelengna, amen haleluya
Endehon amen haleluya, endehon amen haleluya
Endehon amen haleluya, endehon amen haleluya.

2.        VOTUM – INTROITUS – TANGIANG

L:     Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot Tano on.

H:      Amen.

L:     Hurajumi angka sitaonon di hasiangan on, hira na soado do martimbanghon hasangapon sipapatarhonNa hita sogot.

H:      (mangendehon) Haleluya, haleluya, haleluya.

L:      (Martangiang ma hita): Ale Tuhan Debata, Amanami na di banua ginjang! Hupangido hami tu Ho: Sai lehon ma TondiM na badia i tu bagasan rohanami. Sai paian di bagasan hami asi ni rohaM dohot hatigoran, na pinatupa ni AnakMuJesus, Tuhannami. Sai ramoti hami di hamamasa ni pangunjunan. Pargogoi ma hami mangulahon lomo ni rohaM, asa lam marlas ni roha hami mida denggan ni pambahenanMu di hami, marhitehite Tuhan Jesus Kristus, Tuhannami. Amen.                            (hundul)

3.        MARENDE BE NO. 20:1-2

O Jesus Tuhannami Sai tatap hami on
Asi rohaM di hami Palua hami on

Naeng ihuthononnami Na pinatikkonMi
Naeng pasidingonnami Sogo ni rohaMi

4.        PATIK: X DOHOT LAPATTANNA

5.        MARENDE BE. NO. 230: 3-4 HO TONGTONG IHUTHONONGKU

L:    Hamu angka dongan! Nunga tasomba Tuhanta Parholong roha i. Nunga tapuji hamuliaon ni GoarNa marhite roha, pamatang dohot tondinta. Nunga tabongoti alamanNa na badia i. Antong!Sai jongjong ma hita di Uluan manatapnatap dompak Tampahan. Sai jumpang ma  angka na ni luluan, jala dapot hita ma tutu angka na jinalahan.

Mk:             (Mangalusi…)

L:    Nunga saor Tuhanta tu hita. Sahala Patik Uhum, tondi do sipangajari. Manumpak ma parsaoranta na di jolo, manghorasi ma dohot parsaoranta na di pudi.

Mk: (Mangalusi…)

L:    Asa di si sirungguk di si ma sitata, ia di si hita hundul dua tolu halak marpungu, di si ma saor Tuhanta Debata.

Mk:             (Mangalusi…)

L:    I do tutu. Sai jumpang ma di huriaNa marhite Pesta Gotilon on, songon pandohan na mandok: Marsinemnem do urukuruk, marsilanlan aek Toba. Na magodang ndang marungutungut, dakdanak remaja dohot naposobulung pe luhut ma marlas ni roha.

Mk:             (Mangalusi gumanjang……)

L:    Nuaeng di hamuna damang, dainang ro di sude situan na torop. Debata do mual ni las ni roha, dame dohot haluaon. Ibana do haroroan ni pasupasu di ngolunta. Antong! Tahaporsea jala taihuthon ma Ibana sian unduk dohot serep ni rohanta. Tatangihon jala taoloi ma PatikNa, Ita endehonma: Sangkap nang pangidoanta di Tuhanta ma sude.....!

(.......................................ruas jongjong..........................)

·                     Sangkap nang pangidoanta dohot na tahirim pe.

Rodi angka pingkiranta di Tuhanta ma sude.

Tapararat ma HataNa tu na so porsea i,

Atik saut dope mardame angka na manjua i.

         Molo pos roham di Jesus, tinggal di tanganNa i.

Sonang ma roham, sai tulus do huhut sinangkapMi.

Jadi sai togihononNa ho muse tu surgo i,

Gabe nasa ugasanNa dohot ho manean i.

6.             MANOPOTI DOSA

L: Huria ni Debata na nihaholongan ni Kristus. Dibagasan unduk dohot serep ni roha, ro ma hita tu adopan ni Debata. Tatopoti ma dosanta tu Amanta Debata, jala tapangido ma hasesaan ni dosanta, dibagasan goar ni Tuhan Jesus Kristus Parasi roha i. Martangiang ma hita dibagasan rohanta be.

(… tingki na hohom… musik mangendehon BE. 683)

L  : Ale Debata amanami na badia jala na gok asi ni roha, manang na piga hali hami ro tu adopanMu, huparhatopot hami do sude angka dosa-dosa nami na godang i. Tung mansai jotjot do hami manirpang sian dalanMu, ndang mangulahon lomo ni roham. Nuaeng ro hami tu joloM mangido asi ni rohaM: Sai sesa ma sude dosa nami jala unang paingot-ingot sude dosa nami na godang i.

L  : Unang ma pabalia hami sian adopanMu ale Jahowa, ala ni dosa dohot hajahaton nami. Alai marpamuati ma rohaM di hami. Huparhatopot hami do, jotjot do hami lilu songon biru-biru masitondong dalanna be. Ndang be hu ulahon hami lomo ni rohaM. Asi ma roham di hami ale Debata, jala sesa ma sude dosa nami.

J    : (mangendehon BE.No. 683“DiadopanMu Jesus”)

      Di adopanMu Jesus, Lea tutu do diringkon

       Dibaen godang ni dosangkon, diadopanMu Jesus.

 L  : Ale Tuhan Debata, Amanami, Parasiroha na sumurung! Na pungu do hami di joloM martangiang tu Ho. Ndada mangasahon hatigorannami, na mangasahon as ni rohaM na godang i do. Sai asi ma rohaM mida sandok bangsonami, sesa ma dosanami saluhutna. Sai sungguli ma rohanami, asa muba roha dohot pangalahonami, ala ni Tuhan Jesus Kristus Tuhannami, sipangoluhami.

J    :  (mangendehon BE.No. 683”DiadopanMu Jesus”)

       DiadopanMu Jesus, tarsolsol bagi rohangkon

       Muba ma au tu jolo on, diadopanMu Jesus

L : Huria ni Debata naung manopoti dosa, nuaeng tabege ma hata baga-baga ni Debata, taringot tu hasesaan ni dosanta: Songon on do hata ni Tuhan Jahowa: Nunga pola hupasisi angka pangalaosim songon ombun, jala songon ombun manorop angka dosam. Sai mulak ma ho tu Ahu, ai Ahu do sipalua ho.

L: Tajangkon ma Jesus dibagasan ngolunta, jala taulahon ma lomo ni rohaNa. Hasangapon ma di Debata na diginjang.

 J    : Amin.

… hundul…

7.             MARENDE BE NO. 622:1

Mansai nalnal di angka partingkian,
Sinondang ni silangMu Tuhanki,
Sian hatiuron na marsinondang
HolongNa na so halampoan I
Sude na bango do marpanghirimon
tu sondang ni asi ni roha I,
songon parluga na manghalungunhon
parbinsar ni mata ni ari i.           

8.             EPISTEL : 2MUSA 4:10-17

9.             MARENDE BE NO. 701:1-2

Tu Ho do au marpadan O Jesus Tuhanki
Asa burju haposan au di adopanMi
Sai Ho ma mandongani au di ulaonki
Ajari pargogoi ma au di dalanki

Baen ma pangkilalaan di au O Tuhanki                            (jongjong)
Donok do Ho O Tuhan mandopang musungki
Ragam do pangunjunan di hasiangan on
Ho partanobatoan di paraloankon

10.         MANGHANTINDANGHON HAPORSEAON

L : Hamu angka dongan ! Rap dohot angka donganta sahaporseaon di sandok portibion, tahatindangkon ma hata haporseaonta I, rap ma hita mandok:

J    : Ahu porsea … dst.

— hundul —

11.         KOOR RNHKBP

12.         TINGTING

13.         KOOR INA

14.         MARENDE BE NO. 428:1- ( Papungu Pelean)

Ho na loja, ho na sorat pos roham di Debatam
Di na hansit, di na borat dipapita do roham
Unang ganggu rohamuna di pandok ni Debatam
PasautonNa bagabaga, pos roham di Debatam

Asa unang be ho talu dibaen haholomon i
Bereng Jesus i Tuhanmu bernit na tinaonNa i
Unang ganggu rohamuna di pandok ni Debatam
PasautonNa bagabaga pos roham di Debatam

Ala nii padao arsakmu, hot ma tiop Tuhanmi
Tu na denggan do ditogu saluhut na masa i
Unang ganggu rohamuna di pandok ni Debatam
PasautonNa bagabaga pos roham di Debatam

15.         JAMITA            : 2 TIMOTEUS 4:1-5

16.         MARENDE BE NO.443:1-3 (Papungu Pelean 2a, 2b)

Ho na loja, ho na sorat pos roham di Debatam
Di na hansit, di na borat dipapita do roham
Unang ganggu rohamuna di pandok ni Debatam
PasautonNa bagabaga, pos roham di Debatam

Asa unang be ho talu dibaen haholomon i
Bereng Jesus i Tuhanmu bernit na tinaonNa i
Unang ganggu rohamuna di pandok ni Debatam
PasautonNa bagabaga pos roham di Debatam

Ala nii padao arsakmu, hot ma tiop Tuhanmi
Tu na denggan do ditogu saluhut na masa i
Unang ganggu rohamuna di pandok ni Debatam
PasautonNa bagabaga pos roham di Debatam

17.         ACARA PESTA GOTILON:

Pdt: Hamu ruas ni huria na nihaholongan ni Tuhanta Jesus Kristus! Nuaeng sahat ma hita tu acara PESTA GOTILON ni hurianta, laho manghalashon dohot manghamauliatehon denggan basa ni Jahowa. Antong dibagasan roha na mandok mauliate tu Debata, tapuji ma Ibana, taendehon ma BE No. 373 “Mangula Hita Jolma”

J    : (mangendehon BE, No. 373: “Mangula Hita Jolma”)

       Mangula hita jolma Manabur boni i, Alai anggo jadina Di Debata do i

       Dilehon las ni ari, Nang nambur udan pe

       Tongtong di panumpakNa Marguru sasude

       Nasa ulibasa ro sian Debata, I pe Ibana puji ma Huhut haposi da.

(— ro ma tu jolo sude Parhalado —)

       Sai sian Debatanta do nasa na adong,

       Nang rihit sangkamata, Nang laut,nang tano on.

       Tinompa ni hataNa,  Do hau nang bulung I,

       Nang nasa parbuena, Nang bungabunga i

       Nasa ulibasa ro sian Debata, I pe Ibana puji ma Huhut haposi da.

Pdt : Hamu dongan sahuria! Nunga i tajalo denggan basa dohot asi ni roha sian Jahowa. Ta okuhon do, saluhutna silehonlehon na denggan, nasa ulibasa na mauliutus, ima na ro sian ginjang. Dilehon do di hita parbueni tano, parbueni suansuanan dohot parbueni angka ulaonta. Saluhutna i nunga tajalo sian Jahowa. Antong nda tama ma hita mandok maulite tu Debata?

J    : Mauliate ma di Ho Tuhan, naung mangalehon parbue ni angka ulaonnami.

 Pdt : Didok hata ni Debata: Ingkon buatonmu ma sian patumonaan ni sandok parbue ni tano i, na dapot ho sian tanomi, naung nilehon ni Jahowa, Debatam tu ho, jala pamasuhonmu do i tu bagasan ampang, jala boanonmu do i tu inganan sipilliton ni Jahowa, Debatam bahen inganan di Goarna. Ingkon burju do lehononmu parpuluan sian nasa gogo ni tano, boni sinaburhonmi, sian saluhut na tubu di tanomi ganup taon. (5Musa 26:2)

J    : Mauliate ma di Ho Tuhan, naung mangalehon parbue ni angka ulaonnami. Hupasahat hami ma i bahen pelean na hushus di joloM.

Pdt : Antong! Taruhon hamu ma sintong parsampuluan i tu bagas parpeopan, asa adong bohal di bagasan jabungku, jala unjuni hamu ahu taringot tusi, ninna Jahowa Zebaot, manang so ungkaponku di hamu angka pandiloan ni langit, jala mangusehon tu hamu gabe maradu marlobilobi. (Maleakhi  3:10)

 PASAHATHON SILUA:

–       Ro ma sude ruas pasahathon silua hombar tu lingkunganna be ni uluhon ni Sintua lingkungan (silua hatopan wijk dohot amplop marsadasada)

–        1. Marende BE. 848: “Dison Adong Huboan Tuhan”

     Dison adong huboan Tuhan, parbue ni ngolungku na so tardok nian

     Sadia ma argana Tuhan, Molo sai ni rajuman sude denggan basaM

     Jalo ma Tuhan, Sai las ma rohaM

             …musik  …

     Huingot do hataM da Tuhan, ingkon sarihononhon anggim na metmetan

     Ampehon ma tanganMu sangkan, itak na otik I unang suda nian

     Jalo ma Tuhan, sai las ma rohaM.

2. Marende BE.No. 585 “Somba ma Jahowa”

     Somba ma Jahowa Debatanta Amen Haleluya

     Sigomgom langit tano on ro diisi na Amen Haleluya

     Beta hita lao, marsinggang tu joloNa

     Amen Haleluya na songkal jala na badia do Jahowa

     Amen Haleluya endehon Amen haleluya endehon

     Amen haleluya endehon Amen haleluya endehon

     Amen haleluya

— musik —

     Puji ma Jahowa Debatanta, Amen Haleluya

     Parasi roha na sumurung do Ibana, Amen Haleluya

     Taendehon ma goar ni Debatanta, Amen Haleluya

     Alani denggan ni basaNa tu hita, Amen Haleluya.

     Endehon; “Amen Haleluya, endehon Amen Haleluya

     Endehon Amen Haleluya, endehon Amen Haleluya”.

 Pdt : Tadok ma mauliate tu Jahowa, ai pardenggan basa do Ibana, ro di saleleng ni leleng na do asi ni rohaNa tu hita. Nunga tapasahat siluanta tu huria-Na, songon parbueni angka na taula. Antong! Tangihon hamu ma hata ni Debata na mandok: Alai marhuaso do Debata, mangusehon saluhut asiasi tu hamu, asa sandok tuk situtu di hamu jala marlobilobi hamu, laho patupahon saluhut ulaon na denggan. Antong taharinggashon ma manghobasi huriaNa dibagasan dame, sada ni roha dohot holong ni roha. Jongjong ma hita

J : (mangendehon BE No 435: “Morolopolop Tondingki)

     Tu Jesus sahat ngolungki, saleleng ni leleng na I

     Rap dohot au endehon ma, endengku na imbaru da

     Sonang ni tingki I, dung jumpang Jesus Tuhanki

     Tondi na mangajari au, tarbaen marlas ni roha au

     Sonang ni tingki I, dung jumpang Jesus Tuhanki

18.    TANGIANG PANUTUP: PELEAN – PESTA GOTILON- ALE AMANAMI – PASUPASU

Acara Partangiangan Nababan Duri

TATA IBADAH PARTANGIANGAN

BORSAK MANGATASI NABABAN ANAK, BORU DOHOT BERE

DURI SEKITARNYA

Sabtu, 13 Oktober 2018

“Marsihohot Martangiang Jala Patoguhon Holong ni roha (2 Tesalonik 3:1-5)”

======================================================

1.   Joujou tu parsaoran : Horas ma di hita saluhutna.         

 L = Liturgist ; J = Jemaat

L :     Hamuna angka dongan, marpungu do hita dibagasan tingki on, ditonga-tonga ni inganan on di Partangiangan Borsak Mangatasi Anak Boru dohot Bere, bagasma pamujionta tu Ibana

J :      Tama do tutu pujionta Debata sian nasa rohanta, sian nasa ate-atenta dohot sian nasa gogonta. Holan ala asi ni RohaNa do umbahen na boi hita marpungu manghalas-hon sude denggan basa Na i tu hita

L :     Mauliate ma tutu di Tuhanta na rade mandongani dohot mangaramoti hita, antong manghalashon saluhutna i, tadok ma songon nidok ni situatua; Disi sirungguk disi sitata, ia dison hita hundul marpungu saluhutna, dison ma hita rap dohot Amanta Debata.

J :      Gabe ma tutu jala horas! Na uli basa do Tuhanta i, jala na mamora di pasu-pasu, asa songon na nidok ni situatua ma dohonon ; Dengke ni Tarabunga peak di Pinggan pasu, horas ma hita saluhutna Debata ma mamasu-masu.

L :     Nunga marpungu hita tutu dison Pomparan ni Ompunta Borsak Mangantasi Nababan dibagasan las ni roha, nunga nangkok hita sian toruan marpungu di dolok ni Debata di inganan on. siangkupna songon na hundul, sidonganna songon na mardalan. ai marangkup do nauli,mardongan do na denggan. Dia ma tutu nidok ni parpunguanta sadari on

J :      Gabe ma tutu jala horas! Napuran ni Dairi niatup ni boru Angkola, Na martangiang do hita sadari on anggiatma manghorhon tu nauli  mamboan sangap tu Tuhanta.

L :     Gabe ma jala horas! Taolophon ma Jahowa, taoloi ma Jahowa marhite-hite las ni roha, beta ma tu jolo-Na marhite-hite olop-olop:

Gok lasni roha do au dingolungkon, dingolungkon dingolungkon.

Gok las ni roha do au dingolungkon tongtong dingolungkon

Mauliate, gok las ni roha, maringan holongMi Tuhan di au,

Mauliate, gok las ni roha maringan holongMi Tuhan di au.

2. PANGGILAN BERIBADAH!

L :     Sadarion, ari na nijadihon Debatanta tu hita Pomparan Borsak Mangantasi Nababan, dipungka Ompunta na parjolo i Partangiangan na di tanggal 13 oktober 1950 di Siborongborong, dinalaho pasadahon roha angka pomparan ni Ompunta Borsak Mangantasi Nababan jala mangido pasupasu ni Tuhan Debata tu sude angka omparan ni Ompunta. Alani i, tapujipuji ma Ibana na tongtong pasadahon hita di inganan on.

R :     Amen

L:      Lasma rohanta, tajangkonma haluaon ni Debata marhite marende hita sian B.E no. 4:1-2

3. Marende B.E No.4 :1-2 (SAI PUJI DEBATA)

1          Sai puji Debata, Dibahen asi rohaNa/Huhut tongtong basa dinasa tinompaNa

Riama hita be mamuji Debata. Ai sesa do nuaeng dosantai dibahen

Jongjong

2.         Disuru Debata AnaknNa Jesus Kristus/ Jadi masai arga do hita on ditobus/ Diporsan Jesus i dosanta sasude/ Asa mudarNa i paias hita be.

 4. VOTUM. ( U = Uluan ; S= Sude)

Uluan: Hamu na hinaholongan ni Tuhanta Jesus   Kristus. Robema hita tu adopan ni habangsa Nabadia i.Tasombahon ma Puji- pujian  dohot  Hamauliateon ni rohanta tu Tuhan Debata  Pardenggan basa, parasiroha  nasangap i na  mar mudu-mudu ngolu ni daging dohot ngolu ni tondinta.

Sude:   Nungnga pungu be hami O Tuhan Debata, sian Pomparan ni ompu nami Borsak Mangatasi Nababan Boru Bere Ibabere,Marsomba hami nuaeng dijoloMon,mamuji  GoaraMu Nabadia i.

U        : Marhite-hite Goar ni Tuhan Debata  Ama namanongtong ro disaleleng ni leleng na: Debata namanjou Marga Nababan gabe bangsoNa,Debata Nabadia,Nasatia mar mudu  muduhon  dohot manogu nogu  sude Pomparan ni nababan Boru ,Bere,Ibabere .

S          :O Tuhan Debata Ama sitompa Parluhutan i, Tangihonma soara dohot pangidoan    nami, na husombahon hami tu Ho sadarion.      

                  

U         :Dohot dibagasan Goar ni Tuhan Jesus Kristus, Debata napapatarhon diriNa di bagasan rupa ni  jolma,na di suru Debata laho paluahon hami jolma pardosa sian uhum namanongtong i.

S          :O Tuhan Jesus Kristus Si hop hop hami jolma,ondihon hami Pomparan ni Nababan on,di  paruhuman  sogot i.

U         :Dohot dibagasan Goar ni Tondi Parbadia.Tondi ni Debata namanubuhon Huria dohot namanjou halak naporsea tu bagasan parsaoran nabadia,namanjou   dohot  na mangalehon hagogoon laho manghobasi angka ulaon na Tama.   

S          :Hu somba hami maHo ,O Tondi Parbadia.Sai lehonma hadameon nang las ni roha di   hami Pomparan ni Nababan on pa puji puji pambahenaMu na sai godang i. 

U         :Hupuji,husomba jala hupasangap hami ma Ho ale Debatanami, Sitolu Sada i. Mandok Mauliatema hamu tu Jahowa ai pardenggan basa do Ibana,ai ro  di   salelengnilelengna do  asini rohaNa.      

                   

S          :Sai gok di Homa Somba dohot Mauliate rohanami ale Debata si tolu sada i.

U         :Martangiang ma hita:  Ale Tuhan Debata, Amanami na di Banua ginjang, puji pujian, hamauliateon  dohot     sombanami ma di Ho  na sangap I. Ho do Debata Amanami  na marmahani jala nasumarihon na ringkot di ngolunami.

Namar pungu do hami di jolom,ima Pomparan ni Borsak Mangatasi Nababan Boru, Bere/Ibabere,naro sian ganup bagas nang lunggunami marsada sada,hu hatindangkon hami do denggan  basa dohot   asi ni rohaM namauliutus tu hami saluhutna. Hu parhatopot hami do na tong - tong do Ho, rade mamasu masu dohot manumpahi ngolunami  dung di patupa hami Ulang Taon Partangiangan on, ima Naung pinungka   ni ompunami di ari 13 Oktober  taon 1955 nasalpui.

Ale Tuhan Debata,   Parasi roha na sumurung, sai pargogoi ma hami laho mangula angka si ulaon nami siganup ari.  Sahat tu tangan Mu ma Saluhut Pomparan ni Ompu nami Borsak Mangatasi Nababan Boru, Bere / Ibabere di sandok Portibion.Tangihon jala oloima ma tangiang nami on; Ale Jahowa Debata Amanami marhite hite anakMu  Tuhan Yesus Kristus si Pangolu hami . Amen

                                    ---- Hundul -------

5. MARENDE B.E 587:1-2 (TAENDEHON LAS NI ROHA)

1. Taendehon las ni roha pasangaphon Tuhan i,
Roha holong na mangonjar laho mangendehon i,
Ganup ari ganup borngin unang lupa ho disi.
Angka ende na ummuli si pasangap Tuhan i,
Nang parhinaloan I baen pasangap Tuhan i.

2.  Taendehon las ni roha, sipadame roha i.
Tung dao do bada-bada, dohot angka hosom i.
Hadameon ni Tuhanta i, do sihirimon i
Tapalambas ma rohanta, mida angka dongan i
Na martua do sude, na lambok maroha i.

6.      MANOPOTI DOSA

U            : Hamu angka dongan nahinaholongan ni Tuhan Jesus! Na jong jong do hita nuaeng di jolo ni Tuhan Debata laho manopoti dosanta. Ala ni i,tama do alusanta angka sungkun sungkun on , dibagasan  rohanta  be: Di ingot ho dope angka pangulaon mu dohot parangem nasaleleng on? Nungnga di lehon Tuhan Debata tu  hita pasu pasuNa ganup ari,di lehon, sipanganon , Parabiton, parbinotoan di  lehon nang  ngolu  hahipason , panggulmiton ni ngolu mangula nasa siulaonta,di lehon udan dohot lasni ari , mar mudu muduhon  hita tinompaNa i.

Di lehon do Dongan saripe, Ianakkon, dohot  tondong nang, ale -  ale  di ganup hita. Boha do tahe  ale angka dongan, ta hamauliatehon  do i tu Debata? ta ongkuhon do paboa Tuhan Debata nasasada i,i do na mangalehon  saluhut nai tu hita? 

        Marsangap ma  Tuhan i,molo dung di hamauliatehon ho i. Alai molo so di dok ho dope mauliate siala saluhut nai,tama do solsolan mu dirim.sadariaon di jolo ni  Debata,marhite Pertangiangan on.

……….saat teduh diiringi musik / organ Ref BE.NO: 683.

Sude . Mangendehon : DiadopanMu Jesus lea tutu do diringki,dibaen 

                                           godang ni dosangki diadopanMu Jesus

S.      :Ale Tuhan Debata, Amanami Parholong  jala Parasiroha di nasa hajolmaon.  Di bagasan roha  na magopu do  hami nuaeng ro tu adopanMu,ala ni dosa nami nagodang i. Dang adong  nahupangasahon hami dunghon ni sinirohaM.nungnga hubilang bilangi hami  parngulaon dohot  pangalahonami nagok dosai. Sai asima rohaM di hami,sesama dosa nami I saluhutna.

….saat teduh diiringi musik / organ Ref BE.NO: 683.

 Sude Mangendehon : DiadopanMu Jesus,marsomba au huhut tungki,lao  

                                          manopoti  dosangki ,diadopanMu Jesus

U    :Hamu angka dongan nahinaholongan! Molo nungnga tangkas tapatedek angka dosa  dohot pangalaosionta i di adopan ni Debata,mardongan unduk dohot serepni roha,jaloontama  hasesaan ni dosantai sian Debata. Alani i tabegema baga baga ni Debata taringot tu hasesaan ni  dosanta: Molo tatopoti dosanta,haposan do ibana jala bonar, manesa dosanta jala paiashon hita  sian nasa hageduhon. Songon sintong namangolu Ahu, ninna Tuhan Jahowa,tung nasolomodo rohangKu  mida hamatean ni angka parjahat i,so ingkon marnida  hamumulak ni   parjahat i  tumadingkon dalanna i nian,asa mangolu ibana.

……….Hasangapon ma di   Debata nadiginjang!

…….(saat teduh diiringi musik / organ Ref BE.NO: 683)

Sude  Mangendehon : Diadopan Mu Jesus taruli au di asiMi,tu Ho ma

sahat diringki,di  adopanMu Jesus

7.              Marende no 753 : 1 – 2 Di Pardalanan Jesus di Jolongku

♪) .Dipardalanan Jesus dijolongku Holong ni tanganMi manogu au

Nang di ngoluku Ho do sombaongku Tung sonang  mardalanraphonau.Huboto do tangkas pangouonMu Diiringiring Ho do langkangki Sahat ro di ujung ni pardalanku Togu ma au jonok tulambungMi,

 ♪♪.Sipata lilu haporseaonhu Ni lilianan ni portibi on

      Alai dung Ho hutatap o Tuhanku Margogo doau dingolungkon

      Huboto ………

8.              Epistel Josua 1:6-9

L       Pir ma tondim jala marsihohot, ai ingkon ho do marbagi tano on bahen partalian ni bangso on, na huuarihon tu ompunasida, lehononku tu nasida.

R       :Asal pir tondim, jala marsihohot situtu mangaradoti dohot patupahon hombar tu sude patik, angka na tinonahon ni si Musa, naposongki tu ho. Unang manimbil ho sian i tu siamun manang tu hambirang, asa marmulia ho manang dompak dia ho mangalangka.

L       :Unang meret buku ni patikon sian pamanganmu, sai pingkirpingkiri ma i arian dohot borngin, asa diradoti ho, jala dipatupa ho, hombar tu sude na tarsurat di bagasan i, asa maruntung ho di angka dalanmu, jala marmulia parulaonmu.

R                   :Nda nunga hudok tu ho: Pir ma tondim, jala Jahowa Debatam do donganmu, manang dompak dia pe ho mangalangka.

L        :Martuama angka na tumangihon hata ni Debata jala naumpeopsa.

L/J       :A M I N.

9.               Marende B.E. No.741: 1  ( NANG RO PE HABAHABA)

Nang ro pe haba-haba i Tuhan do pangondianmi, Nang pe humuntal tano i Tuhan do pangondian mi. Ai Jesus do partanobatoan i di tano on di tano on, Ai Jesus do partanobatoan i, dolok partahananta i.

10.  TANGIANG PANGONDIANON

11.  Koor

12.  Marende B.E No. 758:1-2 (JAHOWA PANGURUPI)

1.         Jahowa pangurupi disi ulaonmi.
Dilehon pos ni roha di ganup tingki i,
Nan pe sipata ganggu haporseaonmi
Jamot tongtong Tuhanmu manjaga ngolumi.

2.         Jahowa las ni roha saleleng ngolumi,
Ibana haroroan ni nasa na uli
Ai disarihon Jesus sude naringkot i,
Halashon panoguon ni Jesus Tuhanmi.

13.  JAMITA         : 2 Tesalonik 3:1-5 (Pdt.Anry Krismanto Nababan,S.Th, M.Pd.K)

14.  Marende sian Mars Nababan (Papungu Pelean)

1.         Tubu ditano tipang do marga Nababan
Gabe ditumpak Tuhan rarat ma tu Humbang
Ari sampulu tolu bulan sampulu i
Pungu mangido ngolu tu Tuhan Jesus i

2.         Hamu ale donganhu marga Nababan i
Pahombar ma langkamu lomo ni Tuhan i
padao ginjang ni roha, sai tiop burju i
asa denggan martua, uli tinujumi

3.         Pasada ale tuhan hami nababan on
Ido dalan ni tua ro tu joloan on
Sahat ma pasu-pasu tu hita Nababan
Sahat ma nang tu Boru lehonon ni Tuhan

4.         Horas ma Negaranta manggomgom Nababan
Tangiang tu Tuhanta sai maju berkembang
Sahat-sahat ni solu, sahat tu tiga ras
Leleng hita mangolu, gabe jala horas

15.  DOA PENUTUP/ BERKAT.

--Ibadah Selesai---